Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi tərəfindən payızlıq gül və kolların şəhərin müxtəlif ərazilərinə əkin prosesi davam etdirilir.
Gencexeber.az bildirir ki, aksiya çərçivəsində Nizami Gəncəvi prospektində yerləşən dairəyə, Şah İsmayıl Xətai prospektinin kəsişməsində yerləşən yaşıllıq zolağına və Cavadxan küçəsinə mövsümü dekorativ gül-çiçəklər əkilib, suvarılması təmin olunub. Gül və kolların daha da uzunömürlü olması üçün, həmçinin normal inkişafını təmin etmək məqsədilə əkindən öncə ərazilər münbit torpaq, torf və müxtəlif gübrələrlə zənginləşdirilib.
Yaşıllaşdırma aksiyasının payız mövsümünün ortalarına qədər şəhərin müxtəlif ərazilərində davam etdirilməsi nəzərdə tutulur.
