Gəncədə Nizami küçəsində Gəncəçay üzərində yerləşən körpünün məhəccəri qopub.
Gencexeber.az-ın məlumata görə, sözügedən ərazidə təhlükəsizliyi təmin etmək əvəzinə qopan hissə sadəcə simlə bağlanıb.
Sakinlər bildirirlər ki, bu vəziyyət piyadalar üçün ciddi risk yaradır.
Körpüdən hər gün məktəblilər və yaşlı insanlar istifadə etdiyindən, təhlükənin ölçüsü böyükdür.
Vətəndaşlar məsələ ilə bağlı aidiyyəti qurumlara müraciət edərək, körpünün təcili şəkildə bərpa olunmasını və təhlükəsizlik standartlarına uyğun vəziyyətə gətirilməsini tələb edirlər.
