Gəncə şəhərinin mərkəzində yerləşən yeraltı piyada keçidlərindən birində gecə saatlarında işıqlandırma sistemi işləmir.
Gencexeber.az-ın məlumatına əsasən, söhbət Heydər Əliyev prospektində Şah Abbas məscidinin qarşısından “Gəncə Mall” istiqamətinə aparan keçiddən gedir.
Sakinlərin sözlərinə görə, axşam saatlarında keçid tam qaranlığa qərq olur. Nəticədə təhlükəsizlik problemi yaranır, xüsusilə yaşlılar və uşaqlar üçün bu vəziyyət narahatlıq doğurur.
“Axşam saatlarında keçiddən keçmək mümkün deyil, göz-gözü görmür,” – Narazı sakinlər bildirir.
Onlar aidiyyəti qurumlardan bu problemin qısa müddətdə aradan qaldırılmasını istəyirlər.
