Xəbər verdiyimiz kimi, Gəncə şəhərinin tarixi Bala Bağman məhəlləsinin sakinləri təmin olunduqları suyun keyfiyyəti ilə bağlı ciddi narazılıq ediblər.
Gencexeber.az-a Gəncə şəhər Sukanal İdarəsindən verilən məlumata görə, suyun keyfiyyəti ilə bağlı göstəriciləri öyrənmək üçün İri Şəhərlərin Birləşmiş Su Təchizatı Xidmətinin ərazilər üzrə fəaliyyət göstərən laboratoriyaları mövcuddur.
“Abonentlər içməli suyun keyfiyyəti ilə bağlı göstəriciləri öyrənmək məqsədilə su nümunələrini bu laboratoriyalara təqdim edə bilərlər” – qurumdan bildirilib.
Sukanal İdarəsindən əlavə edilib ki, bu məqsədlə abonentlər Gəncə şəhər Sukanal İdarəsinə müraciət edə bilərlər. Orada məsul şəxslər tərəfindən müvafiq izahat veriləcək və problemin araşdırılması istiqamətində zəruri addımlar atılacaq.
