Gəncə şəhərinin ictimai həyatında özünəməxsus yeri olan, minlərlə gəncəlinin sevimlisi İltifat Məmmədov dünyasını dəyişib.
Gencexeber.az-ın məlumatına görə, 1959-cu il təvəllüdlü İltifat Məmmədov beyin insultu keçirib. Mərhum Gəncənin İmamzadə qəbiristanlığında dəfn edilib.
“Zolotoy” ləqəbi ilə tanınan İltifat Məmmədov uzun illər şəhərin ictimai iaşə sahəsində çalışıb, sadəliyi, səmimiyyəti və insanlara münasibəti ilə Gəncə sakinlərinin böyük hörmətini qazanıb. Gəncə camaatının təbirincə desək, “şəhərin 70 faizi onu tanıyır və sevirdi”.
Qeyd edək ki, mərhum tanınmış jurnalist, AZTV-nin Gəncəbasar bürosunun rəhbəri Əhməd Qadiroğlunun qardaşı idi.
Allah rəhmət eləsin.
