Gəncədə nağdsız ödəniş sistemi tətbiq olunan avtobuslardan istifadə edən sərnişinlər üçün Azərbaycan Yerüstü Nəqliyyat Agentliyi (AYNA) və "BakuBus" MMC tərəfindən maarifləndirici videoçarx hazırlanıb.
Gencexeber.az adıçəkilən qurumlara istinadən məlumat verir ki, ödəniş zamanı bonus və ya digər qeyri-bank kartlarından istifadə edərkən avtobuslarda yerləşdirilmiş validator cihazları bunu təhlükə kimi qəbul edir.
Qurumlar bildiriblər ki, sərnişinlərin rahat və fasiləsiz hərəkətini təmin etmək üçün ödənişlər yalnız aşağıdakı üsullarla həyata keçirilməlidir:
- "CityCard" plastik kartı;
- "CityCard Azerbaijan" mobil tətbiqi;
- İstənilən bank kartı;
- Apple Pay;
- Google Pay.
Qeyd olunub ki, digər alternativ kartlardan istifadə həm sərnişinlər üçün, həm də sistemin işində problemlər yarada bilər.
