Gəncənin bir özəlliyi də ötən əsrin 70-ci illərində binaların divarlarına hörülən mozaikalardır. Gəncədə aparılan əsaslı təmir bərpa işləri zamanı köhnə mozaikalar yuyulub təmizlənir, yenilənir.
Gencexeber.az bildirir ki, bununla bağlı Bakı Abadlıq Xidməti məlumat yayıb.
Bildirilib ki, Dəmir yolu vağzalı yanındakı mozaika sənət nümunəsinin eni 10, hündürlüyü 25 metrdir. 250 kvadrat metrlik əsərdə xalq dastanlarımızın qəhrəmanları, milli simvol və ornamentlərimiz əks olunub. Əsərin 60 kvadrat metrlik hissəsi uçulub sökülmüş vəziyyətdə idi. Bərpa zamanı bəlli olub ki, əlavə 22 kvadrat metrlik hissədə də mozaikalar səthdən aralanıb. Hazırda həmin hissələr yenidən işlənir, qırılan hissəciklər təzələri ilə əvəz olunur.
Mozaikaların təmir-bərpa işləri davam edir.
