Azərbaycan Respublikası Elm və Təhsil Nazirliyi və "ORT İsrail" məktəblər şəbəkəsinin birgə əməkdaşlığı, Təhsil İnstitutu tərəfindən icra olunan "İnnovativ məktəb" layihəsinin 2025–2026-cı tədris ili üzrə məktəb seçimi başa çatıb.
Gencexeber.az bildirir ki, seçim nəticələrinə əsasən, Gəncə şəhər 37 nömrəli tam orta ümumtəhsil məktəbi ölkə üzrə layihədə iştirak hüququ qazanan 12 məktəbdən biri olub.
Qeyd edək ki, layihənin məqsədi seçilmiş ümumi təhsil müəssisələrində müasir təhsil və tədris yanaşmalarını tətbiq etməklə şagirdlərdə yaradıcı düşüncə, rəqəmsal bacarıqlar, əməkdaşlıq və tənqidi təfəkkürün inkişafına nail olmaqdır.
İnnovativ məktəblərdə tədris prosesinə yeni texnologiyalar inteqrasiya olunacaq, müəllimlər üçün peşəkar inkişaf proqramları təşkil ediləcək və şagirdlərin bilik və bacarıqlarının ölçülməsi üçün müasir qiymətləndirmə mexanizmlərindən istifadə ediləcək.
