Sürücü yol hərəkəti qaydalarını kobud şəkildə pozaraq avtoxuliqanlıq edib.
Gencexeber.az-ın məlumatına görə, Göygöl rayonu ərazisində avtoxuliqanlıqla məşğul olan gənc törətdiyi qanunazidd əməlləri "TikTok" sosial şəbəkəsində paylaşıb.
Görüntülərdə Gəncə seriyalı "20-EX-581" dövlət qeydiyyat nişanlı, "VAZ-2106" markalı avtomobili idarə edən şəxsin yollarda təhlükəli manevrlər etdiyi, qəfil dönmə hərəkətləri icra etdiyi açıq şəkildə görünür.
Məsələ ilə bağlı redaksiyamıza müraciət edən Gəncə şəhər və Göygöl rayonunun sakinləri bu cür halların ciddi təhlükə yaratdığını bildirərək, aidiyyəti qurumlar tərəfindən hüquqi tədbirlərin görülməsini və sözügedən şəxsin cəzalandırılmasını tələb ediblər.
Qeyd edək ki, görüntüləri paylaşan şəxsin sosial şəbəkə hesabı bir müddət sonra bağlanıb.
