"2026-cı ildə Azərbaycanda dövlət büdcəsi gəlirlərinin 2 milyard 567 milyon manatının fiziki şəxslərin gəlir vergisi üzrə daxilolmaların payına düşəcəyi proqnozlaşdırılır. Bu isə bu illə müqayisədə 29,05 % çoxdur. Yəni bu il fiziki şəxslərdən gəlir vergisi kimi yığılan hər 100 manatın əvəzinə, gələn il 129 manat 50 qəpik yığılacaq".
Gencexeber.az məlumat verir ki, bu barədə iqtisadçı Eldəniz Əmirov "Facebook" hesabında məlumat paylaşıb.
Onun sözlərinə görə, 2019-cu ildən qüvvədə olan və qeyri-neft-qaz, qeyri-dövlət sektorunda işləyən şəxslərin maaşlarının 8 000 manata qədər olan hissəsinə tətbiq edilən 7 illik vergi güzəşti 2026-cı il yanvarın 1-də başa çatacaq.
E.Əmirov bildirib ki, bu dəyişiklik nəticəsində büdcə daxilolmaları təxminən 30 faiz artacaq, həmin kateqoriyaya aid işçilərin vergi yükü də müvafiq olaraq yüksələcək.
