Noyabrın 26-da ölkənin müxtəlif yerlərində torpaq müsabiqə və hərracları baş tutacaq.
Gencexeber.az Əmlak Məsələləri Dövlət Xidmətinə istinadən xəbər verir ki, müxtəlif bölgələrdə kənd təsərrüfatı təyinatlı torpaqlar, fərdi yaşayış evlərinin sahələri və sahibkarlıq məqsədli torpaqlar hərraca çıxarılacaq.
Hərrac və müsabiqələrdə ümumilikdə 21 obyekt təqdim olunub.
Ən bahalı obyekt Qəbələ rayonunun Həmzəli kəndində yerləşən 1 200 kv.m sahəsi olan fərdi yaşayış evidir. Evin satış qiyməti 15 min 600 manatdır.
Bölgəmizdə müsabiqə və hərraclara çıxarılan obyektləri təqdim edirik:
Mingəçevir şəhəri: 150 kv.m torpaq icarəyə veriləcək (20 il), hərracın ilkin qiyməti 1 500 manat, sahibkarlıq məqsədli torpaq;
Goranboy və Şəmkir rayonları: torpaqların sahəsi 4-12 ha arasında dəyişir, icarə müddəti 15-20 il, əkinçilik və kənd təsərrüfatı məhsullarının istehsalı üçün nəzərdə tutulub;
Ağstafa rayonu, Dağ Kəsəmən kəndi: 2.4-16.9 ha torpaqlar icarəyə verilir, hərrac qiymətləri 264-1 853.50 manat arasında dəyişir, kənd təsərrüfatı məhsullarının istehsalı üçün hərraca çıxarılıb.
