Ağstafa rayonu Köçəsgər kəndində qonşusunun hasarına çıxıb, onu narahat edən şəxs həbs edilib.
Qaynarinfo.аz xəbər verir ki, 1971-ci ildə Köçəsgər kəndində doğulmuş Aqil Əliyev (adı, soyadı şərtidir) İnzibati Xətalar Məcəlləsinin 510-cu maddəsi ilə inzibati xəta törətməsinə dair inzibati işinə məhkəmədə baxılıb.
Məlum olub ki, təqsirləndirilən şəxs borcunu istəmək üçün gecə saat 02:00 radələrində Təranə Həsənova (adı, soyadı şərtidir) adlı qonşusunu narahat edib. Belə ki, Aqil Əliyev onun evinin hasarının üstündə oturaraq gözləyib, qapının zəngini çalaraq onu narahat edib.
Məhkəmədə təqsirləndirilən şəxs özünü təqsirli bilməyərək izahatında bildirib ki, 3 il Təranə Həsənovanın bağında işləyib və pulunu ala bilmədiyi üçün zərərçəkmiş şəxsi narahat edib.
Məhkəmənin hökmü ilə, A.Əliyev İnzibati Xətalar Məcəlləsinin 510-cu maddəsində nəzərdə tutulan inzibati xətanın törədilməsində təqsirli bilinərək 5 gün müddətə inzibati qaydada həbs olunub.
