İtaliyanın Kaorle şəhərində sərbəst güləş idman növü üzrə keçirilən “U20 Avropa çempionatı”nda Gəncə Dövlət Universitetinin tələbəsi böyük uğur qazanıb.
Gencexeber.az bildirir ki, Fiziki tərbiyə və cağırışaqədərki hazırlıq müəllimliyi ixtisasının 3-cü kurs tələbəsi Vasif Bağırov Avropa çempionu adını qazanaraq qızıl medalın sahibi olub.
Gəncə Dövlət Universitetinin rektoru Yusif Yusibov 11 iyul 2025-ci il tarixdə vətənə qayıdan Vasif Bağırovla görüş keçirib.
Qeyd edək ki, Vasif Bağırov “U17 Avropa çempionatı-2022”-də qızıl, “U17 Dünya çempionatı-2022”-də qızıl, “U20 Avropa çempionatı-2024” yarışında isə gümüş medal ilə təltif olunub. O həm də dünya çempionatında kəmər sahibidir.
