Gəncədə təhsil alan tələbə Bakıda keçirilən turnirdə uğur əldə edib. Bu haqda 28 dekabr tarixində Gəncə Dövlət Universitetinə istinadən məlumat veririk.
Bakıda Yeni Azərbaycan Partiyasının (YAP) 30 illik yubileyinə həsr olunmuş sərbəst güləş üzrə turnir keçirilib. Burada respublika üzrə 312 gənc mübarizə aparıb. Onların arasında GDU-nun Pedaqoji fakültəsinin Fiziki tərbiyə, çağırışaqədərki hazırlıq müəllimliyi ixtisasının I kurs tələbəsi Elşən Babayev mübarizə aparıb.
Tələbəmiz 65 kq çəki dərəcəsində III yer tutub. O, müvafiq diplom və medalla təltif olunub.
GDU-nun rektoru Yusif Yusibov, YAP Kəlbəcər Rayon Təşkilatının sədri Həbib Misirov, universitetin İdman Klubunun sədri Xəqani Umudovun III yerin qalibi Elşən Babayevlə görüşü keçirilib. Rektor Yusif Yusibov Elşən Babayevi təbrik edərək uğurlar arzulayıb.
