Azərbaycan Şahmat Federasiyasının təşəbbüsü ilə keçirilən “Azərbaycan Şahmat Turu” çərçivəsində “Ganja Open 2025” Beynəlxalq Şahmat Festivalının ümumi mükafat fondu 41.200 AZN (24.235 USD) təşkil edəcək.
Gencexeber.az bildirir ki, Festival Gəncə şəhərində baş tutacaq və A və B qruplarında keçiriləcək. Festival çərçivəsində rapid və blits üzrə turnirin təşkili də nəzərdə tutulur.
A qrupunda 2000 və daha yüksək reytinqli şahmatçılar, B qrupunda isə təvəllüdü 1999-cu ilədək olan şahmatçılar iştirak edə bilər. Rapid və blitsdə isə reytinq məhdudiyyəti tətbiq edilmir.
Qeyd edək ki, “Ganja Open” “Azərbaycan Şahmat Turu” layihəsində sayca 7-ci açıq tipli yarışdır. Festival "Baku Open"dən sonra ən böyük mükafat fonduna sahib olacaq.
