“Son illər ərzində təhsilin keyfiyyətinin yüksəldilməsi, müasir infrastrukturların qurulması və dünya təhsil sisteminə inteqrasiya istiqamətində görülən işlər abituriyentlərin Azərbaycan Dövlət Aqrar Universitetinə (ADAU) olan marağını artırıb”.
Gencexeber.az məlumat verir ki, bunu Azərbaycan Dövlət Aqrar Universitetinin rektoru Zəfər Qurbanov “Azərbaycan müəllimi”nə açıqlamasında deyib.
Onun sözlərinə görə, sözügedən ali təhsil ocağına əvvəllər yalnız aşağı bal göstəricisi ilə qəbul qeydə alınırdısa, indi yüksək bal toplayan məzunlar da ixtisas seçimiz zamanı ADAU-nun müxtəlif ixtisaslarına üstünlük verirlər:
“Təkcə bu dərs ilində 600-dən yüksək bal toplayan iki məzun Aqrar Universitetdə təhsillərini davam etdirirlər. Ümumilikdə universitetdə 2024-2025-ci tədris ili üzrə bakalavriat səviyyəsinə 97% tələbə qəbulu qeydə alınıb. Yüksək bal toplayan abituriyentlərin universitetimizi seçməsi bir daha təsdiq edir ki, təklif olunan ixtisaslar həm əmək bazarının tələblərinə cavab verir, həm də məzunlarımızın gələcəkdə lider mütəxəssis kimi formalaşması üçün etibarlı baza yaradır. Bu uğurlar universitetimizdə tədrisin səviyyəsinin yüksək olduğunu və aqrar sahəyə marağın getdikcə artdığını nümayiş etdirir”.
