Gəncə ilə Göygöl rayonunu birləşdirən Üç Təpə kəndinin avtomobil yolunda işıqlandırma problemi ciddi təhlükə yaradır.
Gencexeber.az-a bu barədə sakinlər tərəfindən müraciət daxil olub.
Şikayətçilər bildirir ki, hər gün minlərlə avtomobilin hərəkət etdiyi yolda gecə saatlarında işıqlandırma sisteminin olmaması sürücülər üçün ciddi çətinliklərə səbəb olur:
“Xüsusilə payız və qış aylarında, hava şəraitinin pisləşməsi ilə təhlükə daha da artır. İşıqlandırma sisteminin olmaması səbəbindən bu yolda dəfələrlə qəzalar baş verib. Qəzalara baxmayaraq müvafiq qurumlar hələ də işıqlandırma sistemini təmin edə bilməyiblər. Tələb edirik ki, kor kimi maşın sürdüyümüz bu yolda işıqlandırma sistemi quraşdırılsın”.
