Gəncədə 44 günlük Vətən müharibəsinin şəhidi Mehrab Əliyevin anası Almaz Əliyeva dünyasını dəyişib.
Gencexeber.az-ın məlumatına görə, anidən səhhəti pisləşən qadın xəstəxanaya çatdırılıb.
Beyin qanaması diaqnozu ilə xəstəxanalardan birinə yerləşdirilən qadının həyatını xilas etmək mümkün olmayıb. Şəhid anası İmamzadə qəbiristanlığında dəfn olunub.
Qeyd edək ki, A.Əliyeva 27 sentyabr 2020-ci il tarixində başlayan Vətən müharibəsində Azərbaycan Respublikasının ərazi bütövlüyü uğrunda döyüşmüş, Tərtər rayonunun Suqovuşan kəndi, Goranboy, Füzuli, Cəbrayıl və Ağdam rayonları istiqamətində gedən döyüşlərdə iştirak edən və yaralanaraq Müdafiə Nazirliyinin Mərkəzi Hərbi Hospitalında həyatını itirən şəhid Mehrab Əliyevin anasıdır.
