Azərbaycanda kimya elminin tanınmış simalarından olan görkəmli alim, Azərbaycan Milli Elmlər Akademiyasının Rəyasət Heyətinin üzvü, Əməkdar elm xadimi, akademik Fuad Yusif oğlu Əliyevin 75 yaşı tamam olur.
Gencexeber.az xatırladır ki, AMEA-nın Gəncə bölməsinin sədri olan akademik F.Əliyev 1950-ci ildə fevralın 1-də Gəncədə anadan olub.
O, 1972-ci ildə Azərbaycan Dövlət Universitetinin Kimya fakültəsini bitirib.
F.Əliyev, 1981-ci ildə kimya üzrə fəlsəfə doktoru, 1992-ci ildə kimya elmləri doktoru elmi dərəcəsini alıb. 2007-ci ildə Azərbaycan Milli Elmlər Akademiyasının müxbir üzvü, 2014-cü ildə isə həqiqi üzvü seçilib.
Akademik, ömrünün böyük bir hissəsini AMEA-nın Gəncə bölməsinə həsr edib.Bu fəaliyyətini də həyatının mənası sayıb.
Şərəfli həyat yolu keçmiş alimin tərcümeyi-halı istedadlı, zəhmətsevər ziyalılar və gələcək nəsillər üçün bir örnəkdir.
