Bir vaxtlar “Baboş” ləqəbi ilə tanınan “TikTok” fenomeni Babək Cabbarovun fanatına çevrilən, adı müxtəlif qalmaqallarda hallanan şərab zavodunun direktoru, “TikTok” sosial şəbəkə platformasında “Quseynoff_009” ləqəbi ilə tanınan Emin Hüseynovun barəsində müxtəlif media vasitələrində kifayət qədər məlumat verilib.
Yenigundem.аz xəbər verir ki, bu şəxs barədə rəhbərlik etdiyi şərab şirkətlərinin saxta viski və araq satışından tutmuş, yaşadığı Gəncə şəhərində məscidə ayaqqabı ilə girdiyi üçün məscidin möminləri tərəfindən qovulması, “Baboş” kimi şəxslərə sevgi münasibəti və s. kimi xoşagəlməz hallara qədər çoxsaylı xəbərlərə rast gəlmək mümkündür.
Redaksiyanın əldə etdiyi məlumata görə, Emin Hüseynov cəmiyyətə özünü müğənni kimi göstərmək istəyən Canan adlı şəxslə sosial şəbəkə paylaşımlarında yaxın münasibətdə olduğu hiss olunur.
Amma bu paylaşımlar şəbəkə izləyiciləri tərəfindən birmənalı qarşılanmır. Belə ki, onların bir qismi xanım müğənnini tanıdıqlarını və ailəli şəxslərlə ünsiyyət yaratdığı üçün tez-tez qalmaqallar yaşadığını yazırlar.
Bildirilib ki, eyni hal özünü cəmiyyətə iş adamı kimi göstərmək istəyən Emin Hüseynovun ailəsində də baş vermək üzrədir.
Adının çəkilməsini istəməyən etibarlı mənbənin sözlərinə görə, Eminin ailəsi olduqca xoşbəxt olub, qarşılıqlı sevgi yaşanıb: “Canan adlı şəxsə görə istəməzdik bu ailə dağılıb bədbəxt olsun. Çox xahiş edirik ki, media vasitəsilə əlinizdən gələni edəsiniz”, – deyə redaksiyaya göndərilən müraciətdə qeyd olunub.
