Gəncədə sirkə turşusu içən 21 yaşlı Tural Məhərrəmovun son vəziyyəti açıqlanıb.
Gencexeber.az-a həkim Küşfər İmanıyeva bildirib ki, xəstənin vəziyyəti ağırdır.
"Səhər saatlarında xəstəni şok vəziyyətində qəbul etdik. Hazırda xəstənin vəziyyəti ağırdır, ona ilkin yardım göstərilib. Müalicəsi reanimasiya şöbəsində davam edir. Huşu özündədir, amma vəziyyəti ağırdır. Sirkə turşusunu səhvən içdiyini bildirir", - deyə həkim qeyd edib.
10:43
Yanvarın 16-da saat 04:30 radələrində 2004-cü il təvəllüdlü şəxs (kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxanaya hospitalizasiya olunub.
Bu barədə apa.аz-ın sorğusuna cavab olaraq TƏBİB-dən bildirilib.
"Dəqiqləşdirilməmiş sirkə turşusundan zəhərlənmə diaqnozu ilə tibb müəssisəsinin Reanimasiya şöbəsində müalicəsi davam etdirilən şəxsin vəziyyəti ağır qiymətləndirilir", - məlumatda deyilir.
09:51
Gəncədə zəhərlənmə hadisəsi baş verib.
Apa.аz xəbər verir ki, hadisə şəhərin Ozan küçəsində qeydə alınıb.
Belə ki, Sumqayıt şəhər sakini 2004-cü il təvəllüdlü T.Məhərrəmov zəhərlənmə diaqnozu ilə xəstəxanaya yerləşdirilib. Ona dərhal yardım göstərilsə də, vəziyyətinin ağır olduğu bildirilir.
T.Məhərrəmovun Azərbaycan Dövlət Aqrar Universitetinin tələbəsi olduğu qeyd edilib. Onun sevdiyi qıza görə sirkə turşusu içdiyi bildirilir.
Faktla bağlı araşdırma aparılır.
