Gəncədə mebel sexindəki yanğın söndürülüb.
Gencexeber.az-a bu barədə Fövqəladə Hallar Nazirliyindən bildirilib.
Ü.Hacıbəyli küçəsindəki sexdə baş verən yanğın FHN-in Dövlət Yanğından Mühafizə Xidmətinin Gəncə şəhər Yanğından Mühafizə İdarəsinin qüvvələrinin çevik müdaxiləsi sayəsində qısa müddətdə söndürülüb.
Yanğın nəticəsində ümumi sahəsi təxminən 500kv.m. olan mebel sexi ilkin hesablamaya əsasən 100kv.m. sahədə yanıb.
Sexin böyük hissəsi və yaxınlıqdakı tikililər yanğından mühafizə olunub.
Gencexeber.az-ın məlumatına görə, yanğın zamanı 24 yaşlı Sabir Nağıyev xəsarət alıb. Adıçəkilən şəxsin bədəninin 50 faizi yanıb. Yaralı Gəncə şəhərində yerləşən xəstəxanalardan birinə yerləşdirilib. Vəziyyəti ağırdır.
Hadisə yerində Dövlət Yanğından Mühafizə İdarəsinin əməkdaşları alovun söndürülməsi istiqamətində iş aparılır.
20:22
Gəncə şəhərində yerləşən mebel sexlərindən birində yanğın baş verib.
Gencexeber.az məlumat verir ki, hadisə şəhərin Mirzə Şəfi Vazeh, 61 ünvanında qeydə alınıb. Yanğin zamanı bir nəfər xəsarət alıb.
Hadisə yerinə Dövlər Yanğından Mühafizə İdarəsinin əməkdaşları və canlı qüvvəsi cəlb olunub. Alovun söndürülməsi istiqamətində işlər aparılır.
