Bu gün xristian aləminin ən əlamətdar və təntənəli bayramlarından sayılan Milad bayramı Gəncədə də qeyd olunur.
Gencexeber.az məlumat verir ki, ənənəyə görə İsa Məsihin Vifleyem şəhərində dünyaya gəlməsi Gəncədə yaşayan pravoslavlar tərəfindən təntənə ilə qarşılanır. Şəhərimizdə yaşayan pravoslavlar kilsəyə toplaşaraq dini ayinləri yerinə yetirirlər.
Kilsəyə toplananlar İsa peyğəmbərin doğum günündə Aleksandr Nevski Rus Pravoslav kilsəsinin baş keşişi Varfolomey Denis Sotnikovun rəhbərliyi altında dini ayinləri icra edib, dualar edib, günahlarının bağışlanmasını diləyib, şam yandırıb və xaç suyu içiblər.
Mərasim zamanı cənab Prezident İlham Əliyevin ölkəmizdə yaşayan xristianlara ünvanlandığı məktub da oxunub.
Qərb bölgəsində yeganə kilsə olan Aleksandr Nevski Rus Pravoslav kilsəsi 1887-ci ildə inşa edilib və hazırda bölgədə yaşayan pravoslavlara xidmət edir.
[caption id="attachment_75259" align="alignnone" width="696"]
[/caption]
[caption id="attachment_75260" align="alignnone" width="696"]
[/caption]
