Fikrət Əmirov adına Gəncə Dövlət Filarmoniyasının binasında çatlar, bünövrə hissəsində isə çökmə əmələ gəlib.
Gencexeber.az-ın məlumatına əsasən, çatlar həm binanın daxili, həm də xarici hissəsində müşahidə edilir.
Bu vəziyyət orada çalışan və binaya daxil olan şəxslərin təhlükəsizliyinə təhdid yarada bilər.
Binanın arxa hissəsindəki dərin çatlar xüsusilə narahatedici haldır. Yaxın ərazidə yerləşən urban mərkəzində də buna bənzər çatların mövcudluğu ümumi struktur vəziyyətinin daha da pisləşdiyini göstərir.
Avtomobillərin bu ərazidə saxlanılmaması ilə bağlı vətəndaşlara xəbərdarlıq da edilib.
Şəhər sakinləri bu cür ciddi problemin aradan qaldırılmasını, mədəniyyət mərkəzinin təmir olunmasını tələb edirlər.
Məlumat üçün bildirək ki, Gəncə Dövlət Filarmoniyasının binası 2012-17-ci illərdə inşa edilərək istifadəyə verilib.
