Gəncədə dövlət müəssisələrinin yerləşdiyi Bursa küçəsində əsaslı təmir işləri başlayıb.
Gencexeber.az-a bu barədə küçə sakinləri məlumat verib.
Bildirilib ki, sözügedən küçə təmirsiz vəziyyətdə olub, yağış yağanda buranı su basırmış, eyni zamanda səkilər də istifadəyə yararsız olub. Bu hal isə həm küçə sakinləri, həm də ərazidə yerləşən dövlət müəssisələrinin işçiləri üçün çətinlik yaradırdı.
Ancaq hazırda həmin küçədə əsaslı təmir işlərinə start verilib. Ərazidəki avtomobil yolunun səthi hamarlanır, piyada səkiləri insanların istifadəsinə verilməsi üçün təmizlənir.
Küçə sakinlərinin sözlərinə görə, tezliklə avtomobil yoluna asfalt örtüyünün çəkilməsi prosesinə də başlanılacaq.
Qeyd edək ki, Bursa küçəsində Təcili və Təxirəsalınmaz Tibbi yardım Stansiyası və Gəncə şəhər Gigiyena və Epidemiologiya Mərkəzinin şöbəsi yerləşir.
