Gəncə sakinləri işıq təchizatında baş verən kəsintilərlə bağlı şikayət edirlər.
Gencexeber.az məlumat verir ki, sözügedən hal Şah İsmayıl Xətai prospekti, həmçinin Tağı Arani, Məmmədrza Şeyxzamanov, Dədə Qorqud və Kimyaçılar küçələri olmaqla şəhərin "Pasyolka" adlanan ərazisində qeydə alınıb. Sakinlərin sözlərinə görə, işıq təchizatının fasilələrlə verilişi problemi üç gün öncə meydana gəlib.
Bildirilib ki, bir neçə saatdan bir qısa müddətə veriləndəndən sonra elektrik enerjisinin təminatı dayanır.
