Samux rayon sakini, 54 yaşlı İlimşah Şahvələdovun Gəncə şəhərində bıçaqlanmasının təfərrüatları məlum olub.
Teleqraf.cоm xəbər verir ki, şortik üstündə yaranan mübahisə sonda bıçaqlanma ilə bitib.
İ.Şahvələdov Adilxan Ziyadxanov küçəsi ilə Atatürk prospektinin kəsişməsində yerləşən yataqxanada kirayədə yaşayırmış.
İlkin məlumata görə, o, həyətə şortiklə düşüb. Bu zaman bir qrup şəxs buna etiraz edib. Nəticədə tərəflər arasında mübahisə yaranıb. Mübahisə qızışaraq əlbəyaxa və bıçaqlı davaya çevrilib.
Nəticədə İ.Şahvələdov çiyin nahiyəsindən iki bıçaq zərbəsi alıb. Yaralı xəstəxanaya çatdırılıb və əməliyyat olunub.
Hadisəni törətməkdə 43 yaşlı Emin Dünyamalıyev şübhəli bilinir.
Hadisə yerinə hüquq-mühafizə orqanlarının əməkdaşları cəlb olunub.
Araşdırma aparılır.
16:55
Gəncədə bıçaqlanma hadisəsi baş verib.
Gencexeber.az-ın məlumatına görə, 54 yaşlı İlimşah Şahvələdovu bir neçə bıçaq zərbəsi ilə yaralayıblar.
O, şəhərdə yerləşən xəstəxanalardan birinə çatdırılıb, vəziyyəti ağırdır.
İlkin məlumata görə, bıçaqlanan şəxs Samux rayon sakinidir. Kişi bir neçə nəfər tərəfindən bıçaqlanıb.
