Xəbər verdiyimiz kimi, “Azərbaycan Hava Yolları” aviaşirkətinə məxsus J2-8243 nömrəli “Embraer 190” təyyarəsinin Bakı-Qroznı reysini yerinə yetirərkən Aktau şəhəri yaxınlığında qəzaya uğraması ilə əlaqədar Azərbaycanda 26 dekabrda matəm elan olunub.
Gencexeber.az məlumat verir ki, bununla əlaqədar Gəncə şəhər sakinləri saat 12.00-da bir dəqiqəlik sükutla vəfat edən şəxslərin xatirəsinə ehtiramlarını ifadə ediblər. Süküt dəqiqəsi zamanı nəqliyyatın hərəkəti dayanıb, avtomobillərdən səs siqnalları verilib.
Xatırladaq ki, sözügedən qəzada həlak olanlardan biri Gəncə şəhər sakini, stüardessa Hökümə Əliyevadır.
