Gəncədə “Tullantılara Son, Təmiz Gələcəyə Addım!” devizi altında ekoloji layihə təşkil ediləcək.
Gencexeber.az məlumat verir ki, Gəncəçay çayının məcrasında və ətrafında təmizlik işləri görüləcək. Aksiyaya yanvarın 11-i saat 11:00-da start veriləcək. İştirakçılar Gəncə Bulvarında, Bayraq meydanının yanında yığışacaqlar.
İməcilik Gəncədən olan ekoloji fəal Nəzrin Abbasovanın təşəbbüsü ilə həyata keçiriləcək. Təşkilatçının sözlərinə görə, Gəncə Azərbaycanın ikinci ən böyük şəhəri olaraq həm mədəni, həm də ekoloji baxımdan böyük əhəmiyyət kəsb edir. Aksiya isə şəhərin təmizliyi və ekosistemi, gələcək nəsillər üçün sağlam bir yaşayış mühiti təmin etmək baxımından önəmlidir.
Təmizlik tədbirinə qoşulmaq istəyən şəxslər (055) 896 99 20 mobil telefon nömrəsi ilə əlaqə saxlaya bilərlər.
