Bir neçə gün öncə Gəncə Dövlət Filarmoniyası və ona bitişik, əsasən sərgilərin təşkil olunduğu "Urban" Mərkəzinin arxa hissəsi lentə alınıb.
Gencexeber.az məlumat verir ki, Fövqaladə Hallar Nazirliyi tərəfindən binanın çatlar olan arxa hissəsində xəbərdaredici lentlər vurulub. Beləliklə də bu ərazinin yaxınlığından sakinlərin keçməsi yasaqlanıb.
Məlumat üçün bildirək ki, mədəniyyət ocağının bünövrəsində çökmə müşəhidə olunur. Çatlar daha çox binanın arxa hissəsində yaranıb.
Təhlükəli vəziyyətlə əlaqədar olaraq, hətta filarmoniya yaxınlığında avtomobillərin saxlanılması qadağan edilib. Bununla bağlı əraziyə xəbərdarlıq lövhəsi vurulub.
