20 Yanvar faciəsinin 35-ci ildönümü ilə bağlı Gəncədə hazırlıq işləri görülür.
Gencexeber.az Gəncə Şəhər Mənzil Kommunal Təsərrüfatı İstehsalat Birliyinə (MKTİB) istinadən məlumat verir ki, Gəncənin Şəhidlər xiyabanında 20 Yanvar faciəsinin 35-ci ildönümü ilə bağlı hazırlıq işlərinə başlanılıb. Qurumun müvafiq şöbələri tərəfindən ənənəvi olaraq Xiyaban ərazisində geniş təmizlik və abadlıq işləri görülür, zədələnmiş plitələr dəyişdirilir, ağacların budaqları, bəzi kollar budanır, əraziyə yeni güllər və kollar əkilir, işıq dirəkləri rənglənir, səkilər və bütün ərazi təmizlənir.
MKTİB-nın Yaşıllaşdırma şöbəsinin əməkdaşları tərəfindən mövcud və yeni əkilən yaşıllıq zolaqlarına aqrotexniki qulluq göstərilib, suvarılması təmin edilib. Görülən işlər şəhərin Şah İsmayıl Xətai prospektində 20 Yanvar abidə kompleksinin ətrafında da həyata keçirilib. Hazırlıq işlərinin yanvarın 19-dək başa çatdırılması planlaşdırılır.
[caption id="attachment_76371" align="alignnone" width="696"]
[/caption]
[caption id="attachment_76369" align="alignnone" width="696"]
[/caption]
[caption id="attachment_76368" align="alignnone" width="696"]
[/caption]
[caption id="attachment_76367" align="alignnone" width="696"]
[/caption]
