Gəncə xanlığı dövrünün pulu satışa qoyulub. Bu haqda 22 noyabr tarixində Baku.ws-ə istinadən məlumat veririk.
Gümüş pulun (Abbası) satışı ilə bağlı elan saytların birində yerləşdirilib. Sikkənin çəkisi 4,5 qramdır. Pulun Gəncə xanı Məhəmmədhəsən xanın dövründə buradakı zərbxanada hazırlandığı iddia olunub. Onun üzərində "Ya Əli Vəli Allah" sözləri, dairəvi çərçivənin içərisində "Gəncə zərbi, 1213", dairənin çölündə "Ya Məhəmməd" sözləri zərb edilib.
Sikkənin 1764-cü ildə (hicri 1178) zərb edildiyi qeyd olunub. Elan saytında təqdim edilən gümüş pul 15 milyon manata satılır.
Qeyd edək ki, Milli Azərbaycan Tarixi Muzeyində 1799-cu ildə (hicri 1213) Gəncədə zərb edilmiş gümüş 3 Abbası qorunur.
