Gəncə təmsilçisinin prezidenti səfərdə olub. Bu haqda 17 yanvar tarixində voleybol klubuna istinadən məlumat veririk.
“Gəncə” voleybol klubunun rəhbərliyi ev oyunlarının bəzilərini digər bölgələrdə keçirməyi planlaşdırır. VK-nın prezidenti Elvar Osmanov bu məqsədlə Şəkiyə yollanıb. O, burada Şəki Olimpiya İdman Kompleksinin direktoru Yusif Qarayev, Oğuz Regional Voleybol Klubunun rəhbəri Bülbül Qasımov və Şəki şəhərində voleybol üzrə məşqçi-müəllim Təvəkkül Cəmilovla görüşüb.
Yığıncaq çərçivəsində kompleksə baxış keçirilib. Sonra idman qurğusunun Azərbaycan Yüksək Liqasının oyununa ev sahibliyi etməsinin uyğun olduğu qərara alınıb.
Həmçinin “Gəncə” klubunun rəhbərliyi bu tipli görüşlərin bundan sonra digər bölgələrdə də keçirilməsi barədə qərar verib.
