Gəncədə yeni təyinat olub. Bu haqda 28 noyabr tarixində İcra Hakimiyyətinə istinadən məlumat veririk.
“Azəriqaz” İB-nin “Gəncə Regional Qaz İstismar” İdarəsində rəis vəzifəsi Hüseyn Gülməmməd oğlu Şirinova həvalə edilib. Təyinatla bağlı icra başçısı Niyazi Bayramov Şirinovla görüşüb.
Şəhər rəhbərliyi əhalinin qazla təminatının yaxşılaşdırılmasına yönələn işlərin bundan sonra da davam edəcəyini bildirib. O, həmçinin yeni rəhbərə işlərində uğurlar arzulayıb.
Hüseyn Şirinov Niyazi Bayramova səmimi görüş üçün təşəkkür edib.
Sonda xatirə şəkli çəkdirilib.
Qeyd edək ki, təyinatdan öncə Şirinov Gəncə Regional Qaz İstismar İdarəsində baş mühəndis vəzifəsində çalışıb.
