Növbədənkənar Prezident seçkilərində namizəd kimi iştirak üçün 17 nəfər müraciət edib. Bu haqda 4 yanvar tarixində Gencexeber.az xəbər verir.
Seçkilərdə namizəd olmaq istəyənlərin arasında gəncəli Yusif Bağırzadə də var. Onun qısa tərcümeyi-halını təqdim edirik:
Yusif Bağırzadə 1961-ci il fevralın 19-da Gəncə şəhərində anadan olub. Daşkənd Dövlət Universitetinin Hüquq fakültəsini bitirib. 1995-ci il noyabrın 12-də 33 saylı Birinci Nizami (Gəncə) seçki dairəsindən deputat seçilib. 1998-ci ildə Yusif Bağırzadə Azərbaycan Demokrat Partiyasına üzv olub.
9 aprel 2010-cu ildə Azərbaycan Milli İstiqlal Partiyasına üzv qəbul olunub. 2010-cu ilin 10 iyul tarixində Azərbaycan Milli İstiqlal Partiyasının X Qurultayında Yusif Bağırzadə partiya sədri seçilib. 27 oktyabr 2015-ci il tarixində - parlament seçkilərinə 5 gün qalmış sədr postundan və partiyadan istefa verib, siyasətdən getdiyini elan edib.
Qeyd edək ki, seçkilər fevralın 7-də keçiriləcək.
