İqtisadiyyat nazirinin yeni birinci müavini Gəncəlidir. Bu haqda 10 fevral tarixində Azərforum-a istinadən məlumat veririk.
Elnur Aydın oğlu Əliyev 4 iyun 1983-cü il tarixində Gəncə şəhərində anadan olub. O, Bakı Dövlət Universitetinin Hüquq fakültəsində bakalavr və magistr dərəcəsini bitirib. 2008-2009-cu illərdə Böyük Britaniyanın London Kral Kollecində beynəlxalq biznes hüququ üzrə magistr təhsili alıb.
38 yaşlı hüquqşünas hazırda Bakı Dövlət Universitetində dərs deyir. O, prezident İlham Əliyevin sərəncamı ilə iqtisadiyyat nazirinin birinci müavini təyin olunub. Bundan öncə Elnur Əliyev iqtisadiyyat nazirinin müavini vəzifəsini icra edirdi.
