Gəncə təmsilçisi ilk dəfə keçiriləcək liqada mübarizə aparacaq. Bu haqda 16 mart tarixində Kəpəz televiziyasına istinadən məlumat veririk.
Azərbaycan qadın basketbolu tarixində ilk dəfə olaraq, pley-off mərhələli yerli çempionat baş tutacaq. Yarışlar Azərbaycan Qadınlar Liqası adı altında təşkil olunacaq. Burada regionu təkcə “Gəncə” BK təmsil edəcək.
Liqada 6 komanda mübarizə aparacaq. “Gəncə” ilə yanaşı, çempionatda AzStars, Alov, Neftçi, Xırdalan və Qaradağ kollektivləri güclərini sınayacaq. Mövsümün sonunda ilk dörd pilləni tutan komandalar, dördlər finalında çempionu müəyyənləşdirəcəklər.
Bildirilir ki, “sarı-göylər” heyətinə 20-yə yaxın 15-25 yaş aralığında basketbolçu cəlb edib.
