Gəncədə akademiyalardan birinin tikinti işləri tamamlanıb. Bu haqda 27 dekabr tarixində Report-a istinadən məlumat veririk.
“Kəpəz”in İdarə Heyətinin sədri İlqar Nadiri Gəncə Futbol Akademiyasındakı son durumla bağlı danışıb. O, akademiyanın istifadəyə hazır olduğunu bildirib.
“Tikinti tamamlanandan sonra AFFA rəhbərliyi dəfələrlə bura gələrək, görülən işlərlə tanış olub. AFFA prezidenti Rövnəq Abdullayev də bu yaxınlarda akademiyanın son durumunu yerində görüb. Yalnız qazın istifadəyə verilməsi prosesi qalıb. Bu da yekunlaşdıqdan sonra açılışın vaxtı müəyyənləşəcək”, - deyə klub rəsmisi qeyd edib.
