Birmərtəbəli evdə yanğın baş verib. Bu haqda məlumatı 6 yanvar tarixində Fövqəladə Hallar Nazirliyinə istinadən veririk.
Gəncədə ümumi sahəsi 150 m² olan, 6 otaqdan ibarət birmərtəbəli evdə yanğın qeydə alınıb. Tikilidə bir otaq və mətbəxin lambirdən ibarət tavanı 20 m² sahədə alışıb. Digər otağın yanar konstruksiyaları 20 m² və dam örtüyünün yanar konstruksiyaları 50 m² sahədə yanıb.
Hadisə yerinə cəlb edilən yanğından mühafizə bölməsinin əməkdaşları evin qalan hissəsini yanğından mühafizə ediblər.
Xəsarət alanların olub-olmaması barədə məlumat verilməyib.
