Azərbaycan Velosiped Federsiyası Gəncədə velosiped idman növü üzrə bölmə yaradacaq. Bu haqda 13 yanvar tarixində Kəpəz TV-yə istinadən məlumat veririk.
Belə ki, Azərbaycan Velosiped Federasiyası Nizami yurdunda velosiped idman növünü inkişaf etdirməyi qarşısına hədəf qoyub. Qurum Gəncədə velosipedlə məşğul olan həvəskarları peşəkar səviyyədə yetişdirərək milli komandaya cəlb etməyi düşünür. Eyni zamanda il ərzində müxtəlif yarışların keçirilməsi də nəzərdə tutulub. Burada həm yerli, həm də beynəlxalq səviyyəli velosiped yürüşlərinin təşkil edilməsi gözlənilir.
Qeyd edək ki, yanvar ayının əvvəlindən etibarən Gəncədə Azərbaycan Velosiped Federasiyası filialının fəaliyyətə başlaması üçün işlərə start verilib. Şəhərə bu idman növündə məşqləri keçmək üçün iki əcnəbi məşqçi də gətizdirilib.
