SOCAR rəhbərliyi Gəncə Cihazqayırma Zavodunda mexaniki qaz sayğaclarının istehsalı ilə bağlı qərar qəbul edib. Bu haqda 14 mart tarixində Azərtac-a istinadən xəbər veririk.
“Azəriqaz” İB-lə Gəncə Cihazqayırma Zavodu arasında əməkdaşlıq haqqında memorandum imzalanıb. Razılığa əsasən, zavod birinci il 200 min, növbəti illərdə isə 400 min ədəd sayğac istehsal edəcək. Bununla əlaqədar olaraq, zavoda əlavə texnoloji avadanlıq alınıb, sahəsi 1000 kvadratmetrdən çox olan istehsal kompleksi inşa edilib.
Zavodda 25 min ədəd qaz sayğacının komplekləşdirici hissələrinin yığıldığı anbar, alman istehsalı olan yüksək məhsuldar avadanlıqlarla təchiz edilmiş sex, qablaşdırma sahəsi və hazır məhsullar anbarı yerləşir. Bütün bunlar ildə 500 min ədədədək qaz sayğacı istehsal etməyə imkan verəcək.
Qeyd edək ki, hazırda sayğacların istehsal prosesində əksəriyyəti qadın olan 30-dan çox şəxs çalışır.
