Gəncədə daha bir müəssisə məhkəməyə verilib. Bu haqda 6 mart tarixində Fed.az-a istinadən məlumat veririk.
Söhbət Gəncə Cihazqayırma Zavodundan gedir. MMC-yə iqtisadi fəaliyyət qaydaları əleyhinə olan (Valyuta tənzimi qaydalarının pozulması) inzibati xəta protokolu tərtib olunub. İş Gəncə Şəhər Məhkəməsində hakim Orxan Cəfərlinin icraatındadır.
Qeyd edək ki, müvafiq maddəyə əsasən, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin 10 faizindən 20 faizinədək məbləğdə, hüquqi şəxslər isə 20 faizindən 30 faizinədək məbləğdə cərimə edilirlər.
