Gəncəni təmsil edən daha bir komanda istirahətə yollanıb. Bu haqda 26 dekabr tarixində basketbol klubuna istinadən məlumat veririk.
Azərbaycan Basketbol Liqasında ilk dövrə yekunlaşıb. Bu səbəbdən kollektivlər qış fasiləsinə çıxıb.
“Gəncə” BK-nın üzvlərinə də qış tətili verilib. Baş məşqçi Bedri Meriç Türkiyəyə, ABŞ və Kanadadan olan legionerlər isə okeanın o tayındakı vətənlərinə yollanıblar.
Onlar 13 gündən sonra bir araya gələcəklər. Təmsilçimiz 4 yanvar 2024-cü il tarixindən doğma meydanda məşqlərə davam edəcək.
