Gəncə təmsilçimiz Azərbaycan çempionatında iştirak edəcək. Bu haqda 14 mart tarixində Report-a istinadən xəbər veririk.
15 mart tarixində qadın basketbolçular arasında Azərbaycan çempionatı start götürəcək. Qadınlardan ibarət “Gəncə” basketbol klubumuz iki dövrədən ibarət yarışda mübarizə aparacaq. Liqanın birinci turu oyun cədvəlinə uyğun olaraq, təmsilçimiz “Neftçi” İK ilə görüşəcək. Oyun 16 mart tarixində saat 14:30-da Azərbaycan Texniki Universitetinin idman arenasında olacaq.
Azərbaycan Qadınlar Liqası adı altında keçiriləcək 2 dövrədən ibarət yarışda 6 komanda mübarizə aparacaq. Reqlamentə əsasən, müntəzəm mövsümün sonunda ilk 4 pilləni tutan komandalar "dördlər finalı"nda çempionun adına aydınlıq gətirəcəklər.
