Fikrət Əmirov adına Gəncə Dövlət Filarmoniyasında 26 İyun – Azərbaycan Silahlı Qüvvələri Gününə həsr olunmuş təntənəli konsert proqramı baş tutub.
Gencexeber.az bildirir ki, tədbirdə Gəncə Şəhər İcra Hakimiyyətinin başçısı, qardaş Türkiyə Respublikasının və Gürcüstanın Gəncədəki konsulları, şəhərin müxtəlif idarə, müəssisə və təşkilat rəhbərləri, şəhid ailələri, qazilər, müharibə iştirakçıları və əsgərlər iştirak ediblər.
Konsert proqramı Azərbaycan musiqisinin zəngin ruhunu və vətənpərvərlik dəyərlərini özündə birləşdirən rəngarəng repertuarla təqdim olunub.
Tədbir boyu Fikrət Əmirov adına Gəncə Dövlət Filarmoniyasının Xalq Çalğı Alətləri Orkestri (bədii rəhbər və dirijor Xəyal Qəhrəmanov) tərəfindən ifa olunan əsərlər tamaşaçılar tərəfindən böyük coşqu və rəğbətlə qarşılanıb.
Konsertdə, həmçinin Göygöl Dövlət Mahnı və Rəqs Ansamblının çıxışları da yer alıb.
