Gəncədə növbəti qanunsuz tikili aşkarlanıb. Bu haqda 4 avqust tarixində FHN-ə istinadən məlumat veririk.
Fövqəladə Hallar Nazirliyi və Tikintidə Təhlükəsizliyə Nəzarət Dövlət Agentliyi tərəfindən ölkə ərazisində qanunsuz tikintilərlə bağlı birgə tədbirlərin həyata keçirilməsi davam etdirilir. Daha bir analoji hala Cümhuriyyət küçəsi və N.Nərimanov prospektində rast gəlinib. Burada müvafiq qurumlarla razılaşdırılmadan qeyri-yaşayış obyektlərinin qanunsuz tikintisi aparılıb.
Müvafiq tədbirlər nəticəsində qanunsuz işlərin qarşısı alınıb və obyektlər nəzarətə götürülüb.
