Gəncədə evlərin birində yanğın baş verib. Bu haqda Gencexeber.az-a 9 aprel tarixində məlumat daxil olub.
Hadisə Ağamirzə Əhmədov küçəsində qeydə alınıb. Ümumi sahəsi 200 kvadratmetr olan kürsülü birmərtəbəli 4 otaqlı evin dam örtüyü alışıb. Nəticədə evin tavan hissəsinin 15 kvadratmetr olan sahəsi yanıb.
Yanğın yerinə Fövqəladə Hallar Nazirliyinin yanğından mühafizə bölmələri cəlb olunub. Alov söndürülüb. Hadisənin başvermə səbəbi məlum deyil.
