Tovuzda partlayışda xəsarət alan bir ailənin üç üzvü Bakı Yanıq Mərkəzinə köçürülüb.
Gencexeber.az-a Tovuz Rayon Mərkəzi Xəstəxanasından bildirilib ki, martın 17-də gecə saat 03:55 radələrində qaz sızması nəticəsində baş verən partlayışda xəsarət alan üç nəfər (iki qadın, bir kişi) Tovuz Rayon Mərkəzi Xəstəxanasına hospitalizasiya olunub.
2024-cü il təvəllüdlü azyaşlıya (kişi) bədənin II-III dərəcəli 15 faizlik termiki yanığı, 1997-ci və 2005-ci il təvəllüdlü şəxslərə isə bədənin II-III dərəcəli 40-60 faizlik yanığı diaqnozları təyin olunub:
"Pasiyentlərə zəruri ilkin tibbi yardım göstərilib və onlar Nərimanov Tibb Mərkəzinin nəzdində fəaliyyət göstərən Yanıq Mərkəzinə hospitalizasiya olunublar".
09:18
Tovuzda evdə partlayış olub.
Gencexeber.az-ın məlumatına görə, hadisə rayonun Aşağı Quşçu kəndində baş verib.
Belə ki, 1967-ci il təvəllüdlü Z.Cəfərova məxsus evdə qaz sızması nəticəsində partlayış olub. Nəticədə 3 nəfər ağır xəsarət alıb, onların vəziyyətlərinin ağır olduğundan Bakı şəhərinə aparılıblar.
Xəsarət alanlar 1999-cu il təvəllüdlü C.Cəfərov, 2005-ci il təvəllüdlü T.Cəfərova və 2024-cü il təvəllüdlü F.Cəfərovdur.
Dərhal əraziyə FHN Dövlət Yanğından Mühafizə Xidmətinin Tovuz rayon dövlət Yanğından Mühafizə Hissəsinin yanğınsöndürən maşınınları və canlı qüvvəsi cəlb edilib. Evdə yanğın baş verməməsi üçün yanğınsöndürənlər tərəfindən təhlükəsizlik tədbirləri görülüb.
Faktla bağlı araşdırma aparılır.
