Gəncə şəhərinin ərazisində qanunsuz tikintinin qarşısı alınıb. Bu haqda 2 fevral tarixində İcra Hakimiyyətinə istinadən xəbər veririk.
İcra Hakimiyyətinin norma və qaydalara riayət edilməyən tikintilər üçün yaradılan komissiyası monitorinq keçirib. Nəticədə Əttarlar küçəsi, 71 ünvanında qanunsuz tikinti işlərinin aparılması müəyyən olunub.
Sözügedən tikinti işləri İcra Hakimiyyətinin, FHN-in Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Regional Dövlət Yanğın Nəzarət İdarəsinin və Əmlak Məsələləri Dövlət Xidmətinin 3 saylı Ərazi İdarəsinin və hüquq-mühafizə orqanlarının nümayəndələrinin iştirakı ilə sökülüb.
