Gəncədə sabiq icra başçısını qətlə yetirməyə çalışan şəxslə bağlı məhkəmə qərar qəbul edib. Bu haqda 4 aprel tarixində Report-a istinadən məlumat veririk.
Söhbət Elmar Vəliyevə sui-qəsddə təqsirləndirilən Müşfiq Qurbanovdan gedir. Ali Məhkəmədə mərhumla bağlı qərar qəbul olunub. İclas hakim İlkin Rəcəbovun sədrliyi ilə keçirilib. Burada ona bəraət verilməsi üçün müraciət olunan kassasiya şikayəti təmin edilməyib.
Qeyd edək ki, Qurbanov 30 noyabr 2020-ci ildə 1 saylı Bakı İstintaq Təcridxanasında dünyasını dəyişib. Mərhuma qarşı qabaqcadan əlbir olan bir qrup şəxs tərəfindən odlu silahdan istifadə etməklə terrorçuluq, dini düşmənçilik, dini radikalizm və ya dini fanatizm zəminində törədildikdə və cinayət barəsində xəbər verməmə və ya qabaqcadan vəd etmədən cinayəti gizlətmə maddələri ilə ittiham irəli sürülüb. O, Gəncə Ağır Cinayətlər Məhkəməsinin hökmü ilə 4 il 6 ay müddətə azadlıqdan məhrum edilmişdi.
